Liabe Vachendorfer,

Griaß Gott zum Rittbitten heid aufnocht,
mia ham scho a paar Leit mitbrocht.
Doch de Scheenan und de Mehran,
dann doch zu eich auf Vachendorf kehran.
Wenn d`Musi spuit des is a Freid,
des hört ma außen no ganz weit.
Für`s Gmiat is jeder Klang ganz frisch,
weil d`Musi hoid wos b`sundas is!
Drum erfüllt uns des mit Stoiz,
dass es auf Ettendorf a mitfahrn woits!
Des is a scheene Sach und Ehr,
wos wui ma do denn no vui mehr!
Beim Sepp sog i da no recht schee vergelt`s Gott,
dass a sich dafür so eigsetzt hod.
Und a da Bürgermoasta hod sei Zuasog brocht,
dass er eich den Get do macht.
Aber des wichtigste san de Ross,
denn ohne de war gar nix los.
Drum sogt`s gscheid ei und richts es zam,
Damit ma an Ostern a paar beinander ham.
Bei der Wallfahrt an Herrgott in unsrer Mitt,
werd`des heier wieder a scheena Georgiritt.
Drum san mia heid do mit unsrer Bitt,
reit`s doch am Ostermontag wieda mit!

Vergelt`s Gott
Simon Schreiber, 1.Vorstand